حديث القائد الجنجويدى هذا ننقله لأنه…
( نكرر الصراخ )
وقلنا أمس الأول أن النيل الأبيض يتسلل إليها الجنوبيون الذين يعملون للدعم السريع…
ونحذر من أن دخول كنانة يصنع كارثة عسكرية ( المطار )
وكارثة اقتصادية( المشاريع)
وكارثة تقصم ظهر مخطط الجيش( تهجير المواطنين)
و….
والآن لا كهرباء هناك… فالمركز الكهربائى يخرج من سلطة الدولة
وكوستى تيارها ياتى من جهة أخرى
وهذا يعنى أن مخططهم يبدأ العمل
والدعم قبل ١٥ أبريل الأسبق كان يبدأ حربه بوضع يده على الكهرباء فى العاصمة…ثم؟؟
……..
والدعم/ لانه ينهار/ يصيب الإمارات اليهودية بالجنون
وكلمة( إنهيار ) ما يرسمها هو قائد جنجويدى أمس الأول
قال
(لا الحكومة عايزانا
ولا الشعب عايزانا
ولا العالم عايزانا
وانتوا( يعنى الدعم) تقولوا….نحكم
نحكم منو؟
الفاشر كملت الرجال…
وانتوا استلمتوا نيالا وزالنجى….أها…حصل شنو؟
وكل يوم استنفارات…..دا كلام ما ماشى لا قدام
كملتوا الشباب
نسوان نصهم غزلان…والصغيرات يتامى
كافة بيت ما مات منو خمسة ستة…
وكلمة( إنهيار ) ما يرسمها هو قائد جنجويدى أمس الأول قال
(لا الحكومة عايزانا
ولا الشعب عايزانا
ولا العالم عايزانا
وانتوا( يعنى الدعم) تقولوا….نحكم
نحكم منو؟
انا فقدت اخوانى اتنين والتابلت بدون كراع….عشان شنو؟
عشان عشرة مليار؟
اهلنا أهم لينا…
فى الحرب دى كلها مافى خسران غيرنا…
وتقول جيش فلول؟؟
الجيش دا كل القبائل فيهو
غرابة. نوبة. بقارة. مسيرة…رزيقات…جعليين. حاسة
ما فى قبيلة الجيش دا ما فوقا
نحن اخير نستعدل…
الجيش كل يوم متقدم. ونحن ندافع….ندافع
وقول….فلول…نحن عندنا معاهم شنو. عشان نموت الموت دا؟؟
داورنا الابيض. الفاشر. المدرعات…الشجرة. سنار. وكلها ما سقطت…
وداخلين شندى ومدنى…أها …عملتوا فيها شنو؟
حتى لو استلمتوا الحكم ما فى زول دايركم…
وحميدتى لما كان حاكم. عمل لينا شنو؟
…….
حديث القائد الجنجويدى هذا ننقله لانه يرسم الصورة كاملة
لكنهم الآن بعد الفشل فى كل مكان يتسللون إلى كوستى وكنانة…
وسوف يضربون عاجلآ حتى يخف الضغط على الفاشر ومدنى
